-
Resolto o terceiro desafío
Rematamos o terceiro desafío, e polo tanto o noso carné de cazamisterios xa ten unha nova estrela.
Aquí remata a primeira “misión” deste curso. Desfrutamos xogando, buscando pistas, observando detalles pequenos… ata chegar a resolver os desafíos plantexados.
Parabéns supercazamisterios!
-
Terceiro desafío
Onte houbo unha forte treboada e fixo moito vento. Hoxe na aula apareceron unhas novas pegadas, pero barreron e eliminaronse as probas. Non sabemos de que son estas manchas.
Temos que usar as nosas linternas de luz ultravioleta.
Excelente! Descubrimos que as manchas son de follas. As follas poden pertencer a árbores, plantas, arbustos… cada planta ten o seu nome e diferencianse entre elas por ter distintas follas. De onde serán as que había na clase?
Cazamisterios a explorar!
-
Resolto o segundo desafío
Despois de observar as pistas, xa sabemos que paxaro foi o que fixo a desastre na clase. Queres sabelo ti tamen? Pregunta aos nenos e nenas.
Parabens cazamisterios! xa tedes a segunda estrela!
-
Segundo desafío
Acabamos cun desafío e empezamos con outro.
A aula está desordenada, con cousas tiradas polo chan, a xanela aberta…
Atención cazamisterios imos observar sen tocar nada para non estragar as posibles pistas.
Temos novas pegadas: Analizamos si son parecidas as do primeiro desafío, que forma teñen,… e xa sabemos que son as pegadas dun paxaro.
Pero… que paxaro é?
-
Resolto o primeiro desafío!
Todo este tempo os cazamisterios estiveron traballando na procura de novas pistas para poder resolver o desafío.
Para iso utilizaron todos os medios que tiñan o seu alcance. Pero, de quén eran as pegadas que apareceron na aula?… Da conserxe do colexio!
Como premio cada cazamisterio pegou unha estrela no seu carné.
-
Coñecemos o noso Centro
Hoxe, apadriñados polos compañeiros e compañeiras de 6º de Educación Infantil, coñecemos un pouco máis do noso Centro:
Biblioteca, oratorio, comedor, sala de informática e aulas de infantil.
Grazas aos maiores de infantil, que nos coidaron moito.
-
Investigación en marcha
Un asistente de cazamisterios ten que ser moi observador. Empezamos a investigar, buscar pistas….
E xa temos os primeiros resultados: son pegadas dos pés dunha persoa.
Pero de qué persoa serán?
-
O primeiro desafío
Misteriosamente, apareceron na clase unhas pegadas. De quén serán?. Son de persoa ou de animal?. De qué parte do corpo son?. E, por qué están aquí?.
Cazamisterios, o primeiro desafío!.
Este é un misterio que un asistente de cazamisterios non pode deixar sen resolver. Seremos capaces de conseguilo?.
-
Carné de asistente de cazamisterios
A axencia de cazamisterios envíounos un carné . Serviranos para identificarnos como asistentes de cazamisterios e para reflectir os nosos logros nos desafíos aos que nos vaiamos enfrontando. Por cada desafío resolto, pegaremos unha estrela e, con tres estrelas, graduaremonos como asistentes de cazamisterios.
Asi que o primeiro que fixemos foi cubrir o carné e poñer a pegada.
Xa temos os carnés de asistentes de cazamisterios!.
-
O misterio das pegadas
Esta unidade traballa o medio natural e social e, para iso, os nenos e nenas deberán embarcarse nunha misión que lles permitirá ser asistentes de cazamisterios e vivir unha aventura no colexio.
É unha misión de resolución. Deben resolvela a través da dedución. Son tres desafíos e cada un e independiente dos demáis.
Traballaremos o colexio, o corpo, os animais e as plantas.
Os nen@s irán coñecendo e controlando cada vez máis o seu propio corpo: diferenciarán o seu sexo, mellorarán os seus desprazamentos e realizarán actividades de carácter lúdico con cancións, xogos con toda a clase ou en grupos pequenos, fomentando o compañeirismo, a amizade e a identificación co grupo.
- Para aprender as partes do corpo podemos ir nomeándoas co neno durante o baño ou cando poña a roupa: con xampú lavamos a cabeza; pomos zapatos nos pés…
- É importante fomentar a autonomía no aseo. Hai cousas que o neno xa pode facer só, coa supervisión do adulto, como lavar as mans antes de comer ou lavar a cara pola mañá. Fomentar a autonomía no vestido (vestir/desvestir, abotoar/desabotoar).
- Fomentar hábitos de orde e condutas de axuda e colaboración na casa: aprender a recoller a súa roupa, colocándoa no seu lugar, recoller os xoguetes…
- Favorecer a súa responsabilidade e respecto cara a outros seres vivos: dar aos animais domésticos os coidados que precisan (pórlle un nome, comida, baño, paseo) e axudar a coidar as plantas da casa.
- Conversar sobre os animais domésticos: relacións có home, tipo de alimentación, crías, coidados que precisan,… e as características dos animais salvaxes.
Outros contidos:
