• Curso 2020-21,  Entroido

    O entroido

    O entroido é unha das festas máis importantes do calendario galego. Celébrase en toda Europa dende épocas descoñecidas. Non se sabe con certeza a súa orixe, pero sí sabemos que é, a indicación da fin do inverno e o comezo da primavera.

    En Galicia ten moita tradición e moitos nomes: Entroido, Antroido, Intruido, Entruido, Entrudo e Entroiro. Todos teñen a súa orixe no termo latino “Introitum” (que significa “a entrada á Coresma”). Entroido significa, a volta ó mundo do revés, a subversión, a ruptura das convencións sociais e o cambio de roles.

    As interpretacións do Entroido remóntanse ás festas romanas con intereses agrícolas e gandeiros. Outros falan dunha orixe grega na honra a Dionisios, deus do viño e a inspiración. O entroido represéntase cun boneco feito de palla, vestido con roupa de traballo e cara de trapo. Cólgase dun sitio alto que domine dalgunha forma a zona de reunión dos veciños. Esta celebración estivo prohibida na época franquista.

    O Entroido é unha época de festa e moita diversión no que o máis importante é disfrazarse e pasalo ben.

    Hoxe empezamos a celebralo coa poesía de don Entroido:

    Eu son don Carnal

    o rei do entroido

    e esta semana

    vouvos ordenar:

    O luns pola mañá,

    ao cole debes vir

    cun calcetín de cada cor

    verás como te vas sentir.

    E coloreamos a don Entroido:

  • CURSO 2019-20,  Entroido

    Unha de marcianos!

    Hoxe celebramos o entroido no colexio. Pero, ao longo da semana fixemos distintas actividades, unha delas o antifaz que lles quedou chulísimo.

    Foi unha maña moi festiva, onde non podía faltar a música do carnaval e unha merenda  moi doce con orellas, roscas, filloas e bizcoito que trouxeron os nen@s da casa. Riquísimo!

    Este ano a película Toy Story está de aniversario, 25 anos!, foi a primeira longametraxe de Pixar, ademáis da primeira cinta animada completamente con efectos dixitais na historia do cine.   Así que no Centro fixémoslle esta pequena homenaxe, disfrazámonos dos  personaxes da película: Sheriff Woody (5º e 6º de primaria), Buzz Lightyear (3º e 4º de primaria), Mrs. Potato (1º e 2º de primaria), Marcianos (alumnado de infantil), Rex (Marisé), Slinky (Carmen e María) e os nen@s (resto de profesorado).

    Solo poñer os guantes levounos 45 minutos, e que o disfraz chegue enteiro o desfile é todo un reto!, pero o esforzo mereceu a pena.

    Por fín chegou o momento do desfile!

    Estábamos nerviosos esperando para saír e ver as nosas familias.

    Grazas familias pola vosa colaboración!.

    Feliz entroido!