-
Aniversarios de decembro
O venres celebramos o terceiro aniversario de tres compañeiros, os máis novos da clase: Ian, Benjamin e Melinda.
PARABÉNS!
You May Also Like
Aniversarios mes de agosto
Aniversarios de novembro
Aniversarios do mes de outubro
-
Ambientación de Nadal
Esta semana estivemos traballando moito, intentando que a nosa clase quedara preciosa.
No Nacemento, xogando coas figuras aprenderon a historia de Nadal
Na árbore de Nadal colguei os anxos e bolas coas cariñas dos nen@s. E no fondo os agasallos que trouxeron das súas casas para compartir.
O final fixemos unhas fotiños para as nosas familias.
Recordade que o Nadal é unha época moi propicia para pasar tempo en familia e levar a cabo actividades conxuntas: decorar a casa para as festas, inventar adornos, cantar panxoliñas, saír a pasear para ver a decoración das rúas, escribir felicitacións,… e procurade fomentar o consumo responsable e o gusto polos agasallos e xoguetes caseiros.
-
A constitución española
Hoxe, 5 de decembro, despois de visionar este conto, estivemos na asemblea falando da nosa constitución. Para rematar coloreamos un fotocopiable.
-
Día internacional das persoas discapacitadas
O día 3 de decembro celebrase o día internacional das persoas con discapacidade co obxectivo de acadar unha maior integración na sociedade e igualdade de oportunidades.
De entre toda a población mundial, máis de mil millóns sufre algún tipo de discapacidade e máis de cen millóns de discapacitados son nenos e nenas.
Visionamos a curtametraxe de Pedro Solís García “Cuerdas”, a historia dunha amizade entre María e o seu novo compañeiro de clase, Nico, un neno con paralise cerebral.
-
A falar… apréndese falando!
O entorno familiar non só é o ámbito natural para o desenvolvemento da comunicación, é tamén o único que pode proporcionar unha estimulación intensiva ó longo dos 365 días do ano. Por outra parte esta estimulación está profundamente unida ás condutas espontáneas e naturais da vida cotiá.
Dentro das actividades da vida diaria hai algunhas que, pola especial relación que se produce entre o nen@ e os pais, son moi apropiadas para a estimulación da linguaxe como poden ser: a comida, o baño, o vestirse, o deitarse, cando os nenos xogan, etc.
Pero ademais podemos buscar outras situacións que nos axuden como contarlle algún conto adaptado á súa idade, mirar con eles os debuxos do conto e comentalos, ir ao campo, ao parque, a unha feira… e comentar o que vemos, etc…
Os nenos e as nenas aprenden por imitación e interacción co seu mundo. O papel da familia no desenvolvemento da linguaxe é insustituíble.
Falarlle moito, xa que a falar apréndese falando. Despacio e claro. Pronunciando correctamente. Empregando un ton baixo, oracións ben elaboradas e un vocabulario amplo. Ensinarlle a respectar as quendas da conversa.
-
O inverno
Empezamos a traballar o inverno, e o primeiro que fixemos foi ambientar a aula.
Aquí deixo unhas cancións para cantar en familia.
“Llegó el invierno. El invierno de Vivaldi”.-
“El invierno Cantajuego”.-
“El invierno está llegando”.-
-
Aniversarios de novembro
Estas dúas princesas guapísimas cumpliron tres aniños.
Parabéns Amaia!. Parabéns Emma!.
You May Also Like
Aniversarios de decembro
Aniversarios mes de agosto
Aniversarios do mes de outubro
-
Manualidade
Preciosa manualidade, coa que repasamos:
- Os animais en outono
- O número 1.
-
Medalla Milagrosa
Hoxe, 27 de novembro, celebramos o día da Medalla Milagrosa. Compartimos oración todo o alumnado.
Sor Pilar entregoume uns colgantes para as mochillas coa Medalliña, que logo repartin na aula.
Merendamos e coloreamos un fotocopiable.
Feliz día da Virxe Milagrosa!!
-
Día universal do neno
O día universal do neno celebrase o 20 de novembro; un día dedicado a todos os nenos e nenas do mundo.
É un día de celebración polos avances conseguidos, pero sobretodo é un día para chamar a atención sobre a situación dos nenos máis desfavorecidos, dar a coñecer os dereitos da infancia e concienciar as persoas da importancia de traballar día a día polo seu benestar e desenvolvemento.
