Esta unidade traballa a ciencia e a tecnoloxía e, por iso, os nenos deberán embarcarse nunha misión que lles permitirá ser axudantes de buscadores de inventos e adentrarse nunha grande aventura relacionada co marabilloso mundo dos inventos.
É unha misión de asunción dun rol. Deben resolvela en primeira persoa a través dunha producción. Cada desafío é independente dos demais, pero sumativo de cara á misión.
Misión.- Atopar inventos e seleccionar tres.
Contidos.-
- Medios de transportes (terra, mar e aire).
- Medios de comunicación (televisión, ordenador, radio, linguaxe braille, carta e xornal).
- A casa (dependencias e obxectos relacionados coas dependencias).
- Inventos e inventores ( inventos relacionados cos medios de transporte, a comunicación e a casa).
- Normas básicas de seguridade viaria.
- Numeración: números do 0 ao 6, ordinais do 1º ao 6º, primeiro e último.
- Cuantificadores: O máis ancho / o máis estreito.
- Operacións: descomposición ata o 6, suma gráfica.
- Tempo: días da semana.
- Formas: óvalo, simetría, curva aberta / curva pechada.
- Series: dous elementos e tres atributos.
- Orientación espacial: preto de / lonxe de, arredor, centro, no medio.
- Lóxica: resolución de problemas, correspondencias.
- Corpo: esquema corporal, pezas de vestir e complementos.
- Percepción sensorial: os sentidos, liso / rugoso.
- Emocións: noxo, gratitude.
- Hábitos saudables: uso correcto da televisión, normas de comportamento e seguridade nos medios de transporte.
- Letras: L, M, S.
- Expresión musical: cancións, audicións, duración (longo / curto), altura (agudo / grave).